Конечно му текна на Сампаоли: Меси и Игуаин ќе го предводат нападот на Аргентина

Откако правеше експерименти во првите два меча, па се инатеше и му даде мала минутажа на единствениот вистински напаѓач Гонзало Игуаин, конечно селекторот на „гаучосите“, Хорхе Сампаоли се сети дека во најважниот меч мора да го стави голгетерот на Јувентус.

Против Нигерија, во меч кој почнува за еден час, Игуаин и Лионел Меси ќе го предводат тимот во формација 4-4-2, со поддршка од Анхел Ди Марија и Енцо Перез како странични фудбалери.

На Аргентина и треба победа против Нигерија, но и помош од Хрватска против Исланд со најмалку реми за да го обезбедат второто место во групата и осминафинале со Франција.

Тоа што се најавуваше од хрватскиот селектор Златко Далиќ и е се оствари за вечерашниот втор меч во групата, па „коцкестите“ ќе играат со комбиниран тим, во кој сепак ќе биде Лука Модриќ и Иван Перишиќ од првотимците кои се незаменливи во составот, но затоа ќе ги нема голманот Субашиќ, дефанзивците Ловрен, Вида, Врсаљко и Стриниќ, како и Ракитиќ, Ребиќ, Манџукиќ, кои имаат жолти картони и ќе одмораат пред осминафиналниот меч.