Победникот од Светското првенство во фудбал, Пол Погба, наводно, е заинтересиран за враќање во Јувентус ова лето.
Играчот за врска беше еден од најважните играчи на Франција на Светското првенство и постигна гол во финалето. Тој се појави во секоја игра за Триколорите на турнирот во Русија.
Марка објави дека Погба е заинтересиран за враќање назад во Јувентус ова лето откако му порасна фрустрираноста за играта во структурираниот систем под Жозе Мурињо во Јунајтед.
Се вели дека Погба, преку неговиот агент Мино Раиола, го информирал Јунајтед дека сака да го напушти Олд Трафорд и да се врати во Јувентус - местото каде што стана фудбалски херој. Потегот на Кристијано Роналдо во Јувентус, исто така, одигра улога во интересот за повратен трансфер на Погба.
Јунајтед не сака да го продаде Погба ова лето, но би можел да се соочи со борба со Французинот и Серхио Ромеро, единствените двајца клиенти на Раиола, по заминувањето на Златан Ибрахимовиќ и Хенрик Мехтариан.
No comments:
Post a Comment