Според „Дон Балон“, Барселона го гледа Мохамед Салах како наследник на Лионел Меси и подготвува 250 милиони евра за да го донесе Египќанецот во своите редови во 2019 година, односно наредното лето..
Барселона, наводно, веќе го информирала менаџерот Ернесто Валверде за нивните планови за запечатување на трансферот на ѕвездата на Ливерпул, Мохамед Салах, како долгогодишен наследник на Лионел Меси.
Точно е дека постојат сличности меѓу Египќанецот и Меси, се работи за двајца левичарски напаѓачи кој се стремат да започнат ширум десно, пред да го искористат своето темпо, брзина, вештина и извонредна завршница за да се пробијат во пеналтикот и да стигнат до импресивен број на голови.
Салах во моментов важи за еден од најатрактивните фудбалери во светскиот фудбал, откако постигна над 40 гола во првата сезона во дресот на Ливерпул, а воедно заедно со Кристијано Роналдо и Лука Модриќ, се најголеми фаворити за да го добијат признанието – Најдобар играч за 2017-18 година.
Ако пропадне планот со Салах, втор план за тимот од Каталонија е Французинот Килијан Мбапе кој настапува во Парис Сент Жермен.
Мбапе, пак, е врвен млад човек за кој нема сомнеж дека ќе стане следна суперѕвезда по генерацијата на Меси и Кристиано Роналдо.
No comments:
Post a Comment