Четврт меч на Челзи сезонава, и четврта победа по ред. ОДЛИЧНО! Рутинска победа, контролиран меч од почеток до крај. Овој пат ќе почнеме од одбраната.
Како и во претходните натпревари, потполно сум задоволен и верувам на Рудигер. Одлична дефанзива и голема опасност при секој прекин. Давид Луиз, премногу лежерен. Мислам дека треба да грее клупа еден натпревар за да добие желба за игра. Бековите- најсветла точка на тимот. Азпи и Алонсо безпрекорни. Не поминува меч Алонсо да не е диреткно вклучен во постигнување на гол. Само така продолжи мајсторе!
Средниот ред- стандардна приказна. Џорџињо одличен, Канте пеколна машина! Иако Канте игра поофанзивно, неколку пати спасуваше контра напади. И пак идеме до Ковачиќ. Уште мислам дека може подобро. Не сум целосно задоволен. Мило ми е што е стартер на минативе два натпревари, но сепак, очекувам повеќе.
За крај нападот... Не можам а да не го критикувам Мората. Истата приказна, незаинтересиран, млитав, и дезориентиран. Мислам дека покрај него и Хазард не игра на ниво. Педро и Жиру, одлични замени. Се додека игра Хазард, не ми пречи кој е негов партнер, Вилиан или Педро. И двајцата се одлични. Го чекам натпреварот кога Жиру ќе биде стартер.
Sariball со одлични резултати до сега. 100% учинок- 4/4. Само напред Сини и продолжуваме со исто темпо. KTBFFH
No comments:
Post a Comment