МАНЧЕСТЕРИТИКО-ЃАВОЛИТИКО КОЛУМНА БР. 13

Брнли-Манчестер Јунајтед 0:2

После долго време, денес победивме заслужено. Натпревар без примен гол, но сепак ќе посочам неколку работи.

Фелаини - искрено не знам што да кажам. Кога ќе го видам во почетниот состав ми се плаче. Не гледам никаков квалитет во него. Но сепак денес беше помеѓу најдобрите. Ја зацврсти средината и помагаше во одбраната. И по се изгледа дека тој не е проблемот на Јунајтед.

Алексис, одличен. Ги реметеше одбрамбените играчи цело време. Ја крена формата и потсети на стариот Санчес. Одбраната за разлика од минатите натпревари изигра на повисоко ниво. Не дека се подобрени, туку имавме послаб противник.

Дојдовме до Лукаку. 2 гола и пак не сум задоволен. Пропушти чист зицер. Проблем е што тоа ќе го направеше и на 0:0. Мора да работи на финишот. Цврст, брз и катастрофален завршницата. 

За крај Погба. Играч или маскота? Престани со менување на фризура секој натпревар. Престани со изведување на пенали што траат цела вечност.

Победивме, но не сум задоволен. Ќе видиме како ќе се развиваме во теков на сезонава. GGMU