ЧЕЛЗИЛИТИКО- КОЛУМНА БР. 22

Саутемтон-Челзи 0:3
Одличен натпревар на нашиот тим. Освоивме важни 3 бода на ова тешко гостување. Пред да почнам со оваа колумна, сакам да му честитам на Жиру за одиграни 200 натпревари во Премиер Лигата. Само продолжи со исто темпо мајсторе!

Ќе започнам од сресниот ред. Како и сите натпревари до сега перфектна игра на Канте и Џорџињо. Безпрекорно! Баркли го започна натпреварот и ја оправда довербата на Сари со еден гол и една асистенција. Мислам дека треба почесто треба да ги ротира Баркли/ Ковачиќ, а во нападот Педро/Вилиан. Ќе донесе свежина во тимот, како и мотивација на игтачите за место во стартната постава.

Секој напад пресводен од Хазард, е еден од најдобрите напади на светот. Одличен натпревар со безброј дриблинзи, претрпени прекршоци, гол и асистенција. Каков е само играч Хазард! Во тандем со Жиру, потпомогати од Педро или Вилијан е добитна комбинација која гази се пред себе!

Подеднакво заслужен за оваа победа е и нашиот чувар на мрежата. Кепа имаше неколку одбрани, кои сите ги видовме во голот. Одличен голман со инзворедни квалитети. Млад голман, кој вреди секоја фунта за која е платен.

За крај ќе ја оддвојам лесната пропусливост кон нашиот гол. Задоволен сум од нашата одбрана, меѓутоа играта на посед е ранлива на контра напади. Се надевам дека во иднина ќе се реши овај проблем.

На 20.08 го дочекуваме Манчестер Јунајтед на домашен терен. Многу важен натпревар, кој мора да го добиеме, доколку сакаме да останеме во трка за титулата.

БЕЛГИЕЦОТ СЕПАК ЌЕ ГО НАПУШТИ ЧЕЛЗИ?

Играчот на Челзи, Еден Хазард, вели дека е задоволен во лондонскиот клуб.

Сепак, тој признава дека сè може да биде различно за неколку месеци.

Хазард изјави за SPORTbible: "Јас сум добар во моментов, но за два месеци тоа може да биде различно. Само продолжувам да вежбам на теренот, тренирам и ќе видиме што ќе се случи".

"Ако постигнам гол сум добар, ако не постигнам и добро играм, за мене е совршено. Само треба да продолжам со победување на натпревари".

Тој, исто така, зборуваше за новото потпишување на Кепа Аризабалага. "Постојат врвни играчи а е помеѓу нив, Кепа, тој е фантастичен млад голман со многу квалитет", додаде Хазард.

"Кога ќе го внесете овој тип на дечко во тимот, тимот е сигурен. Го изгубивме најдобриот голман во светот, но мислам дека тимот е подобар оваа година од минатата година и тоа можеме да го видиме секој викенд".

РЕАЛИТИКО: РЕАЛ МАДРИД ПОЛЕКА ОД БЕЛ СТАНУВА СИВ” - КОЛУМНА БР. 22

Реал Мадрид. Како од кралски клуб полека паѓа во просечно сивило. И сето тоа само поради еден човек, односно двајца: лопатата Лопатеги и Перез кој го донесе. 

Еден тренер каков што Реал немал во историјата, тренер без никаква фудбалска перцепција, без никаква авторитетност, харизма, знаење, тактички вештини. Тренер БЕЗ НИШТО! Најголемото промашување што некогаш се случило во тимот од Мадрид. 

Заменет е еден од најдобрите фудбалери во историјата, играч-магионичар, со одлично познавање на фудбалската игра, со успеси за кои лопатата неможе ни да ги изброи а камоли да ги оствари. Под негово водство Реал 3пати по ред ја покоруваше Европа со ИГРА, а титулите дојдоа како резултат на тоа, 3 титули во ЛШ и една како помошник, заменети со апсолутно НИКАКОВ ФУДБАЛСКИ УЧИНОК, заменети од човек кој тренирал деца од 2ра и 3та лига. Најискрено дури и некои македонски предводници и селектори би биле подобри во предводење на овој Реал одколку тој.

Играчите се исти, замина најдобриот, фалат неговите голови. Но како да се надохнади разликата кога Лопатеги покрај тоа што го има најдобриот голман во свет во името на Навас, го носи непотребно Куртоа, оставајќи ја дупката од заминувањето на Роналдо празна. Денеска највеќе се виде тоа. Реал немаа никаква акција, без идејност. Лопатеги успеа од најдобриот играч во минатата година Модрич. Практично да го загуби на теренот во сивилото. 

Од Асенсио играч за кој се очекува да биде нов феномен, со лопатата, запаѓа во невидена криза мислиш станува збор за играч од Реал Мадрид Ц екипата. Форсирање на Цебаљос и Начо ги зацврстува моите резонирања дека додека го има Реал Мадрид за тренер Хулиан, нема воопшто далеку да стигне. Впрочем првиот официјален меч за трофеј беше срамен пораз токму од денешниот противник. Вечерва повторно во градското дерби извади тим без никаква мотивација и желба за надигрување и борбеност, што го красеше ова Мадрилењо дерби.

Доста беше “плукање” кон најголемото промашување во историјата на фудбалот, да напишам и еден краток рекапитулар на денешниот натпревар. Заврши со досадни здодевни 0-0. Неколку шанси на 2те страни неискористени од страна на Асенсио, Гризман и другите. Реал без Марсело нема никаква продорност од левата страна. Бејл беше заменет на полувреме со полуиграчот Себаљос(причината не е позната, доколку е повреда е оправдано, во спротивно кривицата е повторно кај лопатата). Конечно дебитира и Винициус, кој за срамните 3минутки што му ги дозволи тренерот, успеа со 2-3 шпринта да покаже дека може да се смета на него во иднина.

Се на се, 3ти пат по ред Реал не успева да го искористи киксот на Барселона, кои во иднина сигурно ке ги намали, а Реал повторно не успева да дојде до лидерската позиција. По срамниот пораз со Севиља, ново разочарување е ремито со Атлетико Мадрид и тоа на нашиот стадион.

Повеќе среќа во другите натпревари, и што поскоро Лопатеги да добие отказ кој го заслужува.

ЈУВЕЛИТИКО: БОЛОЊА 0: 2 ЈУВЕ КОЛУМНА БР. 21

Болоња-Јуве 0-2  

Што да кажам рутинска, издоминирана, сигурна победа во утакмица во која имаше само една екипа. Ја решија за 15 минути и иако сакаа да дадат уште, од авион се гледаше дека се чуваат за сабота со Наполи. 

Некои играчи добија шанса за настап за први пат оваа година и не разочараа. Перин немаше многу шанса да покаже што умее, а одбраната не знам ама Бонучи ми е многу по стабилен кога играат тројца во одбрана како старите добри времиња со Барза и Киело. 

Барза, Бенатиа стабилни, Ква Ква испадна неколку пати ама за оваа утакмица немаше многу многу работа.

За Кансело што да кажам мноооогу добро е детето се повеќе и повеќе се радувам што зедовме играчиште што освен десно може да игра и лево, силно се надевам дека еден ден ќе биде најак десен бек во светот. 

Матуиди учествуваше во првиот, убаво ја закова за вториот, Пјанката без грешка и рано беше заменет со Емре Џан, сепак за сабота треба да се чува “мозокот” на екипата. Бентакур пополека станува класа играч,акцијата што ја почна за вториот гол, одземената топка многу ме подсети на Маркизата кога беше звер и за мое жалење, беше уште во Јуве. 

Дибалката добар даде гол се надевам дека ќе биде се подобар и подобар. Кристијано добар асистираше за вториот дали сакаше или не не е важно. Имаше еден добар шут кога ја протна меѓу нозете на некој играч од Болоња, се надевам тоа што го извисија за најдобар играч од Фифа ќе му даде уште поголема мотивација за оваа година.

Тоа е тоа идиме на Наполи во сабота и се надевам ќе излезам во право дека ќе сме 10 од 10 во почетокот а зошто да не и 20 од 20.                     

FORZA JUVE!!!!!!!

РЕАЛИТИКО: “РЕАЛ ОД ЗАД РИД” КОЛУМНА БР. 20

Дојде и таква утакмица каде треба да го видиме нашиот Реал нашиот шампион колку и како се спремале ова лето. На утакмицава со секогаш незгодната Севиља се покажа она традиционалното, неможеме да играме со таа екипа на гостински терен, ма и господ да слезе на земјата да игра за нас (хехе). Лошата традиција си се продолжи кај андалузиската екипа која е трн во око можеби 10 години наназад. Среќа што и Фарса (Барселона) доживеа  дебакл со неколку нивоа послаба екипа.

Да се вратиме на шампиониве кои денес ни Ш од шампиони непокажаа. Изгледа како секогаш славата и гламурот ги опијанува и како да забораваат да играат добар фудбал како на почетоков од сезонава.

Најдобриот голман според ФИФА горе долу си ја оправда улогата спасуваше колку што може ама не е октопод и да покрива се и секаде.

Одбраната чудна дури и крајно непрофесионална дали уште беа во Лондон не си ги имаа собрано наградите ама Мрзелињо и Рамис како пијани кокошки. Натрчани надиграни од брзоногите напагачи на Севиља. Од др страна неуморниот Начо и Варан пробуваа да ги поправат грешките на другарите ама залудно беше се, поправај колку можеш ама катастрофални беа грешките.

Средниот ред како да мислите им беа на др место, можеби се спремаа како да изиграат во сабота со Патетико (Атлетико). Касемиро можеби најсветла точка , човекот се труди колку може но сам не се трча против 4-5дечки од домаќините. На утакмицава Крос освен некој шут во очај ништо не направи. Најдобриот играч на денешницава, Лукита се појави во второто полувреме неколку минути покажа некоја мала минијатура, постигна гол ама ВАР го поништи можеби оправдано може не.

Нападот буквално невидливи. Миленичето на чичко Перез, Безвеза никаде не знам ни јас каде беше човекот можеби со Асенсио беа само на прошетка, на кафе муабет во Севиља. Принцезата од Велс како заспана убавица, ќе се подразбудеше на моменти ќе претчаше, а шансите што му се пружија не ги искористи.  Онакви шанси и  промаршувања еден на еден, па и непромислени шутеви од преку 30м само на тренинг другарче, затоа што може да не коштаат титула.

Измените пробаа да го средат нередот и сивилото на првотимците ама и тие се приклучија на другарите. Испадна дека без најдобрите во досегашните утакмици Иско диско и Карвахал, Реал е лесен залак за секој противник. 
Поука како не треба да се игра утакмица со важност, но главата горе за наредниот противник Патетико, градско дерби, треба да се влезе 100% посветено и да се победи, за  да им се одмаздиме за едната титула одземена на почеток од сезонава.

АРСЕНАЛИТИКО: КОЛУМНА БР.19

Арсенал – Евертон  2:0

Не толку лесен натпревар како што гласи и резултатот. Најефективниот натпревар во Англиската Премиер Лига како да го немаше оној сјај од поранешните дерби дуели кој изобилуваа со голови.

За тоа најзаслужен по којзнае кој пат беше ветеранот на голот на Арсенал Петр Чех. Со 4-5 интервенции спаси потоп на својот тим уште во првото полувреме. 

Ричарлсон си играше по левата крилна позиција со Белерин како со мало дете на маалско игралиште, неколку дуели го праќаше по бурек и јогурт, го претркуваше како брзата птица итрица. Очигледно е дека веќе Белерин не е зрел да биде стартен десен бек на тим како Арсенал и дека МОРА Лихштајнер да добива поголема минутажа. 

Мустафи и Сократис делуваа неколкупати панично со одредени моменти на доза на сигурност и доза на среќа што позади нив беше несовладливиот чех. Сите симпатизери на Арсенал се молат и ги бројат деновите кога Кошчиелни ке се врати во тимот и конечно лидерски ке ја зацврсти одбраната.  

Конечно во средината шанса добива Тореира(после стартот во ЛЕ, старт и во ПЛ). Искрено не ја оправда којзнае колку довербата,заработи и наивен жолт картон, но пред се тоа беше поради грешниот потег на Емери, кој на сметка на можеби најдобриот играч овие месец дена на Арсенал Гвуендузи, го испрати Тореира на теренот заедно со можеби и дефинитивно најголемото ПРОМАШУВАЊЕ на трансфер пазарот на Венгер и Арсенал, швајцарецот Џака. 

Ремзи најискрено не се виде цела утакмица, додека Озил е спремен и зрел за фудбалска пензија. На стара слава не се игра фудбал, посебно не во тим како Арсенал. Можеби сум доста критичен кон тимот, но ФАКТ е дека 90% од фудбалерите  не би биле достојни за чистење на копачките на славните и златни арсеналовци од пред неполни 2 декади.

За нападот немам замерки, искрено изиграа тоа што од нив и се бараше. Лаказет успеа да постигне еден спектакуларен гол покрај 4-5 стандардно промашени шанси за него. Ауба и покрај крилната позиција која ја играше во текот на целата утакмица исто така успеа да се најде во листата на стрелците со гол кој го осигура триумфот на Арсенал. Голот беше искрено од офсајд позиција, која не беше досудена, исто како и пеналот за Арсенал, по играта со рака на Кејн.

Резиме за мечот е заслужени тешки 3 бода на Арсенал со кој се искачува нагоре на табелата и сега е на делба на 5тата позиција со најлутиот ривал Тотенхем. Полека но сигурно играчите треба да влагаат во подобра форма и сигурен сум дека доколку останат здрави, може да се очекува борба за позициите кои водат во Лигата на Шампионите.

ПОСЛЕДНА СЕЗОНА ЗА САНЧЕЗ ВО ЈУНАЈТЕД?

Алексис Санчез може да биде продаден од Манчестер Јунајтед на крајот од сезоната ако неговата форма не се подобри, тврди поранешниот напаѓач на Арсенал Иан Рајт.

"Ако бев бизнисмен, би видел како работите ќе се одвиваат до крајот на сезоната, а потоа ви донел одлука", изјави Рајт за Би-Би-Си. "Тоа е затоа што во моментов зема плата што не ја заслужува."

29-годишниот интернационалец од Чиле импресионираше на неговото деби за Јунајтед, на ФА Купот против Јеовил во јануари минатата година, но оттогаш даде мешани настапи, постигнувајќи само три гола во 23 настапи.

Рајт: "За мене, токму сега, ако Јунајтед платеше за него, ќе мислеа:" Како да си ги вратиме назад парите? ""

ЧЕЛЗИЛИТИКО - КОЛУМНА БР. 18

Вест Хем -Челзи 0:0
Не знам од каде да започнам. Ова беше многу чуден натпревар. Челзи до самиот крај се однесуваше како да ја има работата под контрола, но ситуацијата на терен не беше таква. Ќе започнеме од одбраната...

Минатиот пат напоменав дека ни недостига сигурност во одбраната, и дека Ливерпул ќе биде вистински тест за тоа. Но невољата дојде порано. Вест Хем имаше две 100% шанси кои не ги искористи. Повредата на Рудигер ќе направи простор за Кејхил. Но дали ќе ја подобри или влоши, за тоа ќе пресуди засега страшниот Ливерпул.

Средниот ред играше стандардно, но цела опасност доаѓаше токму од грешките на средниот ред. Мислам дека Сари треба повеќе да ротира, и да почне да му дава минутажа на Лофтус-Чик.

Проблеми во нападот. Жиру доби неколку тешки топки, што не успеја да ги искористи, немам замерка. Мората влезе во 100% шанса, успеа да го погоди противничкиот голман во глава. Не сум хејтер, ама ни фали првокласен шпиц. Мислам дека отсуството на Педро имаше клучна улога за денешниот резултат. Со Вилиан во тандем, без разлика кој кого менува, се многу важни за тимот.

Се надевам дека ова ќе биде една важна лекција, која ќе ни помогне во иднина. Наредениот натпревар го играме во среда против Ливерпул во Карабао Купот. Искрено, ме фаќа страв, ама се надевам на позитивен резултат. Одиме понатаму... KTBFFH

ЛИВЕРПУЛ ПРОДОЛЖУВА ДА ГАЗИ!

Ливерпул постави нов клубски рекорд со победа од 3-0 над Саутемптон.

Победата од 3-0 над Саутемптон беше седмата последователна победа на Ливерпул во сезоната.

Тие ги освоија првите шест натпревари од Премиер Лигата од сезоната убедливо и постигнаа импресивни 14 гола, додека примија само два.

Другата победа во оваа серија дојде минатата среда, кога тие го поразија ПСЖ со 3: 2 во Лигата на шампионите, додека Фирмино  го постигна победоносниот гол во судиското продолжение.

Нивниот почеток во Премиер Лигата, со загубени 0 поени по шест натпревари, е еден од најдобрите пет почетоци во историјата на Премиер Лигата.

На Челзи му успеа два пати во сезоната 2005/06 и 2009/10 и беше шампион во двете сезони.

Манчестер Сити успеа да го направи тоа во првата сезона под Гвардиола, додека Њукасл Јунајтед го направи тоа во сезоната 1994/1995.

КОВАЧИЌ ИМА ВИСОКО МИСЛЕЊЕ ЗА БЕЛГИЕЦОТ!

Играчот на Челзи од средниот ред Матео Ковачиќ, изјави дека Еден Хазард е одличен соиграч, и го означи Белгискиот напаѓач меѓу најдобрите тројца играчи во светот.

Играчот од средниот ред на Реал Мадрид беше полн со пофалби за Белгиската интернационала ѕвезда, која ужива одличен почеток на новата кампања. "Отсекогаш сум знаел дека е одличен играч, но сега, кога го гледам секојдневно да игра со нас секој ден, тоа е неверојатно. За мене во овој момент, еден од трите најдобри играчи во светот". тој им кажа на новинарите на Би-Би-Си.

Хазард одлично ја почна новата сезона [5 гола и 2 асистенции] со новиот менаџер Маурицио Сари кој веќе има имплементирано големи промени од времето на Антонио Конте во клубот. Неговиот дефанзивен стил го промени со напаѓачки.

ЗАМИНУВАЊЕТО ОД ЈУНАЈТЕД МЕ НАПРАВИ ПОДОБАР ИГРАЧ!

Мемфис Депај не верува дека навивачите на Манчестер Јунајтед го виделе најдоброто од него во текот на своите 19 месеци во клубот и вели дека тој е подобар играч откако ги напуштил "црвените ѓаволи".

Холандскиот напаѓач, 24, постигна седум гола во 53 настапи за Јунајтед откако им се приклучи од ПСВ Ајндховен за 31 милион фунти во летниот преоден рок во 2015 година.
"Сите знаат дека приказната за мене и Манчестер Јунајтед немаше среќен крај, но јас сум среќен, што ме направи играчот што сум денес", изјави холандскиот интернационалец, пред натпреварот во Лигата на шампионите во Етихад.

Од неговото префрлување во Лига 1 во Лион за 21,7 милиони фунти, неговите настапи драматично се подобрија, постигнувајќи 28 пати во 74 настапи, вклучувајќи и импресивни 19 во 36 во Лигата 1 минатата сезона, помагајќи му на клубот да се квалификува за уште една кампања на Лигата на шампионите.

По приклучувањето кон Лион само Единсон Кавани и Флоријан Товин постигнаа повеќе голови во француската лига, а по бројот на асистенции  се изедначи со оној на Нејмар - 13.

ЈУВЕЛИТИКО - КОЛУМНА БР. 17

Јувелитико колумна - Валенсија 0 - 2 Јуве                                             

Сигурна победа во малку чудна утакмица со 3 пенали од кои 2 можеше да не бидат досудени и црвен за Роналдо, за старт кој повеќе беше за “светло жолт”.

Сега за утакмицата, одбраната беше перфектна освен пеналот кој за мене не беше пенал, ама Шчесни си го фати и од мене има чиста 10-ка. 

Кансело играчиште колку пати како мали деца ги минуваше играчите на Валенсија,директно заслужен за првиот гол,макар да ако имаше малку повеќе среќа ќе беше стрелец на првиот гол.
Киело капитенски макар да секогаш ко ќе додава топка уште ми “застанува срцето”,Бонучи добар, Алекс Сандро исто одличен имаше неколку пробиви од левата страна.

Средниот ред исто беа одлични иако рано останаа со играч помалу тоа не се осети многу Емре Џан, Матуиди, Пјаниќ и Бернадески кој заедно со Кансело тотално ја освоија десната страна од теренот. Ќедира се повреди макар да имаше одлична шанса за 1-0 ама си ја удри по “ќедирски”.

Роналдо незаслужено го избрка судијата а колку само желба има во него за докажување, се виде кога насолзен го напушти теренот.

Манџата не се виде многу ама имаше една шанса кога ја “луфна” над голот. Коста доби шанса да игра имаше неколку брзи продори а Дибалката пак ја отседе на клупа, ама имаше шпекулации дека е повреден.

За мене МОТМ се Бернадески и Кансело оваа утакмица беа феноменални.

За Валенсија што да кажам тотално безопасни, го имав она истото чуство пример кога играш со помалите во маало и знаеш дека си многу подобар од нив и колку и да ги оставиш да напаѓаат не можат да ти дадат гол. 

По прикажаното мислам дека ќе се бориме со Ман Утд за прво место во групата, макар да мислам и дека со нив не би требало да имаме проблеми.                         

FORZA JUVE наредна утакмица со Фрозиноне и сигурна победа!!!!

КАНТЕ ОТКРИ КОЈ Е НАЈДОБРИОТ ФУДБАЛЕР ШТО ИГРАЛ ПРОТИВ НЕГО

Н'Голо Канте откри дека Лионел Меси е најдобриот играч на кого некогаш му се спротивставил, одговор што треба да биде изненадувачки за секој кој ја гледал аргентинската ѕвезда како играше на светското. Но од друга страна мечевите со Барса се сосем различна приказна.

Канте ги обелодени овие информации на навивачите, бидејќи францускиот играч од средниот ред го гледаше лигашкиот натпревар како навивач во саботата.

Играјќи против играчи како Пол Погба, Филип Кутињо, Кевин Де Брујн и Антоан Гриземан во кариерата на Челзи, Канте сигурно не беше пристрасен при неговиот избор кога ги откри овие информации.

Сепак, 27-годишниот откри дека петкратниот добитник на Балон Д'Ор (златната топка), всушност, е најдобриот играч со кој некогаш имал среќа да игра против.

Тоа не е навистина шокантно за секој да го слушне пва, бидејќи Меси е несомнено еден од, ако не, најдобриот играч кој некогаш ќе го благослови фудбалскиот терен.

Аргентинецот продолжува да биде еден од најдобрите играчи на планетата веќе околу една деценија, а неговата способност навистина не може да се совпадне со кој било друг играч во овој спорт.

Канте излезе против нападот на Аргентина на Светското првенство ова лето, како и кога Челзи минатата година се соочи со Барселона во Лигата на шампионите.

СИТИ И ТОТЕНХЕМ СЕ ВКЛУЧИЈА ВО ЖЕСТОКАТА ТРКА ПО РАБИОТ

Манчестер Сити и Тотенхем се во четиринасочна битка за потписот на Адријан Рабиот, тврди Експрес.

Играчот од средниот ред не е задоволен во Париз Сен Жермен, а двата клубови во Премиер Лигата се приклучуваат на Барселона и Јувентус во трката по него, покажувајќи интерес за неговите услуги.

КЕЈН ЌЕ ГО ЗАМЕНИ СУАРЕЗ ВО БАРСЕЛОНА

Наводно, се зголемуваат сомневањата околу формата на Уругвајецот во Камп Ноу

Тотенхемската ѕвезда Хари Кејн би можела да биде поставена да го замени Луис Суарез во Барселона следното лето, тврди Дон Балон.

Постои зголемено сомневање меѓу хиерархијата на Барса за тоа колку долго Суарез (31) ќе може да остане на врвот на неговата форма.

Клубот го идентификуваше Кејн како нивна најпосакувана замена и може да направи потег во оф-сезоната ова лето.

ЧЕЛЗИЛИТИКО-КОЛУМНА ВРОЈ 16

Челзи-Кардиф 4:1
Одлична изведба на нашиот тим денес. Рутинска победа над Кардиф и целосна контрола на играта во текот на целиот натпревар. Ќе започнам од одбраната...

Искрено, не сум презадоволен. Во минативе 5 натпревари не наидовме на вистински противник. Не знам како ќе се снајдат против Манчестер Сити или Ливерпул. Ни фали искуството на нашиот капитен Џон Тери. Се надевам дека шпекулациите ќе се остварат и Тери ќе се врати во Челзи како стручен соработник на тимот.

Средниот ред е безпрекорен. Канте со безброј одземени топки, Цорџињо безброј точни пасови. Тандем од соништата. Се надевам дека повредата на Ковачиќ не е сериозна, затоа што полека почна да се вклопува во тимот.
По мое лично мислење, веќе нема место за Фабрегас во тимот.

Нападот на чело со Хазард е незапирлив. Не знам колку се сеќавате, во минатите два поста тврдев дека Мората треба да грее клупа, а Жиру да биде стартер. Денес Жиру го започна натпреварот и запиша две асистенции и неколку украдени топки. Вистински воин!

Имаме доволно време за одмор до наредното гостување кај Вест Хем, бидејќи во Купот на УЕФА ќе се соочиме со ПАОК, за кого е и повеќе од доволен вториот тим.

Се надевам дека и во иднина ќе продолжиже со победничката форма. KTBFFH!!!

ПАДНА НОВ РЕКОРД ЗА ТУХЕЛ И ПСЖ!

Томас Тухел започна одлично со Париз Сент Жермен и почна да ги крши првите рекорди за време на неговиот краток период во клубот.

По победата над Сент-Етјен 4-0 без Нејмар и Мбапе, Томас Тухел стана првиот менаџер на ПСЖ кој победи на првите 5 натпревари од Лига 1.

Тој го стори тоа со постигнување на импресивни 17 гола, во просек по повеќе од 3 гола на секој натпревар.

Тухел го освои својот прв трофеј со ПСЖ на почетокот на сезоната, кога го освоија трофејот на Шампионите со победата над Монако 4-0.

Првиот вистински тест за Тукеловата страна доаѓа во вторникот, кога ќе отпатуваат во Ливерпул за да се соочат со црвените во Лигата на шампионите.

МЕСИ ПРОНАЈДЕН КАКО ПЛАЧЕ КАКО “ДЕТЕ КОЕ ШТОТУКУ ЈА ИЗГУБИЛО СВОЈАТА МАЈКА”

Суперѕвездата на Барса претрпе најголема меѓународна  болка во 2016 година, кога Чиле ја избрка Аргентина во возбудлива битка на прнали.

Лионел Меси беше пронајден како "плаче како дете кое ја изгубило мајка" откако ја издржаа последната болка во Копа со Аргентина во 2016 година.

И покрај тоа што ужива значителен успех на ниво на клубот со Барселона, а исто така собира и пет Ballons d'Or, 31-годишниот напаѓач се уште чека на првата титула со  високи меѓународни почести.

Тој дојде  блиску до кршење на мразот во голем број на прилики, но неговите соништа до сега не се остварија.

АКО НЕКОЈ ГО ПОСАКУВА ДЕ БРУЈН ВО СВОИТЕ РЕДОВИ ЌЕ МОРА ДА ПЛАТИ 250 М ЕВРА

Белгиската ѕвезда потпиша нов договор со Сити.

Пеп Гвардиола соопшти дека ѕвездата на Манчестер Сити, Кевин де Брујн, има клаузула за ослободување од 250 милиони евра (223 милиони фунти).

Де Брујн потпиша нов шестгодишен договор со Манчестер Сити во јануари, а неговиот менаџер сега ја објави излезната клаузула на белгиската ѕвезда.

ЧЕЛЗИ И АРСЕНАЛ НЕ УСПЕАЛЕ ДА ГО ПОТПИШАТ МБАПЕ

И Челзи и Арсенал виделе потенцијал за Килијан Мбапе за време на деновите на француската ѕвезда како младински играч, според Дејли Стар.

Мбаппе го посети Челзи во 2011 година со престој кој вклучуваше средби со Дидие Дрогба, додека Арсен Венгер замина за Франција во обид да го потпише младиот напаѓач.

До 2015 година, Манчестер Сити, Манчестер Јунајтед и Ливерпул и се приклучија на трката, но Мбапе се одлучи за Монако, пред да го запечати својот трансфер со ПСЖ.

“ДИБАЛА ЌЕ ГО НАПУШТИ ЈУВЕ УШТЕ ВО ЈАНУАРИ” - МАУРИЦИО ЗАМПАРИНИ

Пауло Дибала ќе го напушти Јувентус во јануари и веќе има понуди од клубови во Шпанија и Англија, тврди сопственикот на Палермо, Маурицио Зампарини.

Дибала започна со  настапот во Серија А против Киево минатиот месец, но не играше во победата од 2:0 над Лацио и играше само 10 минути од клупата во победата од 2:1 против Парма пред меѓународната пауза.

24-годишниот, исто така, не блеска на меѓународно ниво во последниве неколку месеци, откако беше изоставен од последните два меча од почетната линија на Аргентина, а беше изоставен и од нивниот состав на Светското првенство.

ШПАНИЈА ГАЗИ СЕ ПРЕД СЕБЕ!

Марко Асенсио го постигна својот прв меѓународен гол ја предводеше Шпанија со убедлива победа од 6-0 над Хрватска, вчера вечерта во акцијата на Лигата на Нации.

Хрватска не можеше да стори многу за да го спречи нападот на Шпанија, бидејќи финалистите на Светското Првенство, претрпеа најлош пораз во историјата.
Вториот натпреварот во Елче го одбележа првиот натпревар од Барселона со Луис Енрике, како менаџер на Шпанија, а ова е неговата втора победа откако ја презеде Црвената Фурија.

Сол Нигес, го постигна првиот гол на ноќта во 24-тата минута, со скок во задршка по далечното дијагонално нафрлување на Дани Карвахал и го совлада голманот на Хрватска Ловрен Калиниќ.

Марко Асенсио го постигна својот прв меfународен гол и додаде две асистенции во доминацијата на Шпанија со 6: 0.
Асенсио го отвори својот репрезентативен меч со спектакуларен удар од 25 метри во 32 минута. Две минути подоцна, играчот од Реал Мадрид, уште еднаш го погоди противничкиот  гол, кој го потресе и го засени Калиниќ.

Родриго постигна гол откако успешно ја одвегна хрватската офсајд замка на одличната топка од Асенсио во 49 минута. Во 57.минута, капитенот на Шпанија, Серхио Рамос, го запиша својот 14-ти гол за Шпанија, и петтиот во оваа голема победа на Хрватска.

Иско го постигна 6-от и последен гол за Шпанија, со десна нога од центарот на шестнаесетникот во 70-тата минута.

Најдобриот момент на Хрватска дојде пред првиот свиреж дури и да засвири. Иван Ракитиќ доби срдечен аплауз од толпата додека фудбалерот од Барселона беше почестен од хрватските официјални претставници пред натпреварот за неговиот 100-ти настап за Хрватската репрезентација.

Шпанија сега има шест поени во УЕФА Лигата на Нации по две натпревари. Хрватска и Англија немаат поени по своите загубени натпревари од Шпанија.

ЈУВЕ ИМА ГОЛЕМА САMОДОВЕРБА ЗА МАРСЕЛО И ПОГБА

Јувентус останува убеден дека клубот може да ги прекине договорите на Пол Погба и Марсело со сегашните клубови, според Таттоспорт.

Дури и по потпишувањето на Кристијано Роналдо, италијанскиот клуб верува дека трансферот на играчот од средниот ред на Манчестер Јунајтед би можел да биде овозможен благодарение на присуството на Португалецот, неговата врска со играчите кои се уште се во составот и односот на неговиот агент Мино Раиола со клубот.

Директорите на клубот, исто така, остануваат заинтригирани од можноста за повторно обединување на Роналдо и Марсело во Италија, откако претходно регистрираа интерес во текот на летото.

МОДРИЌ ПОВТОРНО САКА ТРАНСФЕР ВО ИНТЕР И ТОА ВО ЈАНУАРИ

Хрватот беше одбиен со потег за трансфер во Серија А ова лето и покрај интересот за него од страна на Интер.

Трансферот во Интер на Лука Модриќ треба да продолжи во јануари, според Sport Mediaset.

Хрватската ѕвезда е заинтересирана за повторно отворање на дискусиите за трансфер на почетокот на зимскиот преоден рок откако претседателот на Реал Мадрид, Фиорентино Перез, одби да го продаде во текот на летото.

Модриќ се вели дека е заинтригиран од можноста за предизвик на Кристијано Роналдо и сака  да премине во Серија А.

ТЕВЕЗ ЈА ОТКРИ КЛУЧНАТА РАЗЛИКА ПОМЕЃУ МЕСИ И РОНАЛДО

Тевез се обиде да ја разјасни вчерашната дискусија со своите коментари, наведувајќи дека може да види само едно нешто што ги поставува двете напатствија еден од друг, како што им изјави на новинарите: "Лионел Меси, никогаш не го видов во салата(теретана) да вежба. Никогаш не сум го видел како тренира да ја запре(смирува) топката или тие вежби.

"Сето тоа е природно за него, но пеналите тој ги вежбаше: прво не можеше да погоди пенал, а сега удира сите на аголот.

"Кристијано секогаш иде во салата после тренинг: за него тоа е опсесија и знае како е да се биде најдобар во сè, сака да биде најдобар, секогаш пристигнувајќи на работа порано".

Поранешниот напаѓач на Јунајтед додаде дека, без разлика колку рано да се обидел да пристигне за клупските обврски, Роналдо, кој сега се пресели во Италија со Јувентус, секогаш беше првиот преку вратите.

"Кога тренингот беше закажан девет наутро, стигнував до осум и тој веќе беше таму.

"Дури кога пристигнував во 7:30, тој веќе беше таму.

"Почнав да се прашувам:, Како можам да се ослободам од овој човек? 'Така еден ден стигнав во шест, но тој веќе беше таму! Поспан, но тој беше таму."

ДИЕГО СИМЕОНЕ ОТКРИ КОЈА Е НЕГОВ СЛЕДЕН КЛУБ КОЈ ЌЕ ГО МЕНАЏИРА

“Јасно е дека италијанските ноцинари ќе го постават ова класично прашање. Јас секогаш сум велел дека еден ден сакам да го водам Интер, тоа го сметам за опција. Ама тие имаат тренер на кого добро му оди и јас имам фантастичен период во Атлетико. Ќе се случи кога ќе се случи, до 2020 има уште долго време (тогаш му истекува договорот со Атлетико), има уште две години” -рече Симеоне.

ОД КОЈ ТИМ РЕАЛ ОДБИЛ ПОНУДА ОД 250 М ЗА БЕЈЛ ?

Според тврдењето на шпанскиот новинар Едуардо Инда, Реал Мадрид летово одбил огромна понуда од Манчестер Јунајтед за Гарет Бејл. Црвените ѓаволи нуделе неверојатни 250 милиони евра!

Манчестер Јунајтед ова лето со сите сили се обидувале да го донесат Гарет Бејл на Олд Трафорд. Шпанскиот новинар, Едуардо Инда, тврди дека англискиот тим на Реал му понудил, ни помалку ни повеќе, туку 250 милиони евра.

Ако кралскиот клуб ја прифател оваа понуда, Велшанинот ќе станеше најскапиот играч на сите времиња. Меѓутоа, претседателот на Реал Мадрид, Флорентино Перез, е уверен дека Бејл е вистинскиот наследник на Кристијано Роналдо.

Шпанскиот новинар додава дека “црвените ѓаволи” веќе имале припремено астрономска плата за Бејл, која според неговите информации изнесувала 25 милиони евра по сезона.

ПСЖ И СИТИ СЕ КЛУБОВИ БЕЗ ИСТОРИЈА!

Диего Симеоне, менаџерот на Атлетико Мадрид, повика на два од најголемите клубови во Европа бидејќи немаат историја.

Аргентинецот неодамна имаше интервју со Кадена Копе, кој беше полн со сочни битови, вклучувајќи и удар кон Париз Сен Жермен и Манчестер Сити.

"Историјата на Атлетико Мадрид е за тим кој се бори назад, со талент и кој е тежок да се соочи", рече тој, правејќи ја јасна разликата меѓу Атлети и другите.

"Има и други, како Манчестер Сити или ПСЖ, кои немаат историја", заклучи тој. Можеби некој треба да го потсети Симеоне дека првата лигашка  титула на Манчестер Сити дојде во 1936/37, додека таа на Атлетико во 1939/40.